​8.-10. november inviterer Noregs Ungdomslag til grunnleggande instruktørkurs i folkedans. Vi har fått med oss dyktige Bente Hjellum Syvertsen som instruktør!

Om kurset:

På det grunnleggande instruktørkurset lærer du eit repertoar av dansar, du får grunnleggande kunnskap om sjangeren, og du lærer metodar for å læra bort og leia dans. Gjennom kurset lærer du om kva språk og terminologi som vert brukt innanfor dei ulike dansefamiliane og refleksjon rundt dette.

Målgruppe: 

Målgruppe er deg som ynskjer å bli instruktør eller som har litt erfaring du ynskjer å bygge vidare på. Du bør ha dansa folkedans og ha ein viss kjennskap til sjangeren.

Om instruktøren:

Bente Hjellum Syvertsen er ein særs dyktig dansar og instruktør. Ho har dansa folkedans heile livet og har mange års erfaring som dansepedagog. Ho har hatt fleire kurs for instruktørar, og Bente er oppteken av god pedagogikk og likar å skape stemning på kurs og på dansegolvet. 

Program (med atterhald om endringar):
Fredag
18:00-19:30 Kurs: bli kjend
19:30-21:00 Dansefest
21:00 Konsert Mari Boine (valfritt)
22:30 Fortsetjing dansefest

Laurdag
11:00 Kurs 
12:00 Lunsj - felles med HilmarUng
13:00-16:00 Kurs
16:00 Konsertar og dans utover kvelden (valfritt)
17:00 Middag - felles med HilmarUng (valfritt, krever påmelding)

Sundag
11:00 Kurs
12:30 Lunsj - felles med HilmarUng
13:15 Kurs
16:00 Heimreise
17:00 Konsert med Kim Rysstad (valfritt)

Det blir mange fine konsertar og dansefestar å delta på via Hilmarfestivalen sitt flotte festivalprogram gjennom helga. Les meir om programmet her.
Kursdeltakarar får ein solid rabatt på festivalpasset som gir inngang til alle arrangement.

Kurslokale: 
Steinkjer barneskole, Sannangata 1, 7713 Steinkjer.
Lunsj og middag (laurdag) skjer på Samfunnshuset (like borti gata) i lag med HilmarUng.

Overnatting:
Har du behov for overnatting ordnar kvar enkelt dette sjølv.
Vi har nokre ledige plassar på flatseng/sovesal på samfunnshuset i lag med HilmarUng. Elles vil vi anbefale hotell i Steinkjer.

Er du medlem i NU, sjekk medlemskortet ditt for rabattkoder på aktuelle hotell.

Prisar og betaling:
Kurspris medlem i Noregs Ungdomslag: 500,- 
Kurspris ikkje-medlem: 1000,-
Festivalpass Hilmarfestivalen: 760,- (ordinær pris 1490,-)
Felles middag laurdag: 250,-
Overnatting flatseng inkl. frukost: 350,- per døgn

Det er mogleg å betale med kort, Vipps eller faktura, både som privatperson eller som lag/bedrift. 

Lunsj, kaffi/te og snacks er inkludert i kursprisen.

OBS: Dersom du ynskjer å bli medlem i NU kan du ta direkte kontakt med solveig@ungdomslag.no før du fullfører påmeldinga. 

Reise og mat:

Kvar enkelt organiserer og dekker eiga reise og mat utover lunsj. Det er mogleg å delta på felles middag laurdag.

Vi anbefaler å søke lokal- eller fylkeslag om støtte til å dekke kostnader med kurs, reise og overnatting. 

Påmelding:
Påmelding til instruktørkurset skjer via Checkin. Kurset har eit begrensa tal plassar så det er lurt å vera tidlig ute med påmeldinga. Siste frist er torsdag 24. oktober kl. 23.55.

MERK: Eventuell avlysing må skje innan ordinær påmeldingsfrist. Deltakaravgift for ev. avlysing etter fristen vert ikkje returnert.

Spørsmål ang. kurset kan rettast til solveig@ungdomslag.no 

Kurset er støtta av Studieforbundet kultur og tradisjon.