Med lova i hand: Magnus Lagabøtes Landslov, 1274–2024

Er du nysgjerrig på Landslova og Noreg i mellomalderen, men veit ikkje heilt kor du skal begynne? Bli med på omvising! Vi guidar deg gjennom utstillinga og gir kontekst til den lovboka som  forma liva til menneska i Noreg i meir enn fire hundre år.  

I utstillinga kan du sjå nokre av dei vakraste eksemplara av Magnus Lagabøtes landslov, i tillegg til andre mellomaldermanuskript av Heimskringla, Gulatingslova, Kristina-psalteret og mykje meir. Saman fortel desse skattane historia om utviklinga av ein norsk stat og identitet, og om korleis landet vart samla under éin lov.