Me rekk ein liten fest før festivalen. Kom og høyr Krøsteleg folkeparti, Brillejesus og Svenssen.

Folk-pønkbandet Krøsteleg folkeparti består av songar, låtskrivar og gitarist Trond Salte og debuterte i april 2023 med albumet Heimsleg. Tekstane er skrivne på nynorsk og vert sungne på jærdialekt, og dei omhandlar alt ifrå drikking og pessimisme til meininga med livet og det å verta vaksen.

Brillejesus er eit rockeband frå Stavanger og Hommersåk. Dei spelar det dei kallar sjølvironisk verkelegheitsrock og syng på norsk. Tidlegare har dei møtt både sinne og glede med låtar som "Bompenger" og "Grå hår", men nå er dei hyperaktuelle med blodferske EPen "Dette er bare en hobby". Bandet består av Ebbe Helberg, Jon Salthe, Espen Eidem og Kevin Yelenik. Førstnemnde spelte faktisk med sitt gamle band Teeny Grownups på Ranglerock-forløparen Hoggstock for ei æve sidan.

Me får også sjølvsagt besøk av Ranglerock-grunnleggarane Svenssen som med sin britisk-klingande rock får det til å nappa i foten. Og dei igjen får med seg fleire gjester på scena. Spanande!

Kom og høyr, kom og drøs, kom og ha det gildt!
Obs! Gratis for frivillige til festivalen.