Program

Seminaret skjer fredag til sundag og vi vil gjerne at du er med heile helga. Vi vil vera samla i felles gruppe, men det blir også moglegheit for nokre parallelle økter ut i frå kva interessefelt dei ulike deltakarane har. Det blir mykje dansing og moglegheit for å dykke ned i spennande detaljar i dansane. 
Laurdag og sundag organiserer vi felles lunsj. Mellom kurs og dansefest laurdag er det moglegheit for felles middag som kvar enkelt betaler sjølv. Meld frå i påmeldingsskjema om du ynskjer å delta.

Førebels tidsramme for helga er slik:
Fredag: 19-21
Laurdag: 09:30-16
Sundag: 10-14

Kan du berre delta deler av helga skal det gå fint, vi har eit eige felt for dette i påmeldingsskjema.

Dansefest!

Laurdag kveld kl. 19 arrangerer vi dansefest i BUL-salen, same lokale som seminaret. Inngangsbillett er inkludert i kursavgifta. Informasjon om denne kjem etter kvart. 

Innleiarar

Du vil møte fleire ulike instruktørar og mentorar gjennom helga. Mellom anna: Vegar Vårdal, Siri Mæland, Tone Erlien Myhrvold, Marianne Dahl, Torbjørn Bergwitz Lauen, Torill Aasegg, Einar Olav Larsen med fleire. 

Påmelding

Påmeldingsfrist er onsdag 14. februar innan kl. 23:55.

For deg over 26 år er prisen 500,- for heile helga, for deg under 26 år eller studentar er prisen 200,-. Dette inkluderer kurs, lunsj og pauseservering samt dansefest. Middag, overnatting og reise sørger kvar enkelt for sjølv. Vi oppmodar til å søke lokal- eller fylkeslag om økonomisk støtte til kurset, eventuelt andre liknande aktørar i ditt område.

Overnatting

Vi har avtale med Quality Hotell Augustin i Trondheim og har reservert rom til denne helga. Du må bestille overnatting sjølv innan 9. februar. Lenke til booking får du på e-post etter påmelding til seminaret.

Spørsmål kan rettast til:
Solveig Brekke Hauknes: solveig@ungdomslag.no
Birgit Haukås: birgit@folkemusikkogfolkedans.no