Heisann! 

Det blir litt kaldare i lufta og det luktar haust. Snart er tida komen til å gøyme seg på hybelen og kose seg mens jula nærmar seg som ein god og gamal ven. Men sjølv om juletida i Tyskland er kjempe digg, kan ein fort føle på at ein vil dele litt av den magiske tida med andre nordmenn som har lagt opp til eit eventyr langt vekke frå mor og far. Viss du vil møte dei andre norske studentane på ei julehelg rundt fyrste advent, er du hjarteleg velkomen til oss frå fredag den 24.11.2023 til søndag 26.11.2023

I julehelga 2023 skal dei norske studentane erobre den koselige og søte byen Bayreuth i nord-Bayern med sine 75.000 (snille) innbyggjarar. Det er iallefall lurt å høyre litt på Richard Wagner sine operaer før dokke kjem fordi byen er verdenskjent for "Bayreuther Festspiele" med fabelaktig Wagner musikk. Ellers er byen liten, men veldig romantisk, spesielt når vi får med oss at julemarknaden opnar att den helga vi skal ha julebord. Vi skal bu på eit koseleg hotell som heiter "Lohmühle" midt i sentrum og kose oss med aktivitetar god mat (spoiler det blir tre-retters middag laurdag kveld), og mykje gøy. Bayreuth ligg også ganske sentralt i Tyskland og har god tilknyting til dei andre byane i Tyskland (så lenge Deutsche Bahn ikkje streikar). 

Vi skal bu på tomannsrom og det sjølvsagt lov å ytre ynske om rompartnar ;)

Program og anna relevant info får du etter at du har meldt deg på. 

Vi håpar veldig at du har tid og lyst til å kome :)

... og ikkje gløym å ta med deg ein god porsjon julestemning...

Mange helsingar

ANSA Tyskland Sør

med ANSA Tyskland, ANSA Tyskland-Vest og ANSA Tyskland-Aust