Me varmar opp til festival og legg ut på den årlege debatturneen vår – veka før haustens KÅKÅnomics går av stabelen! Me inviterer lokale deltakarar til stadsaktuelle debattar og turen går denne gongen innom seks Rogalandskommunar, frå Sauda i nord til Egersund i sør!

Program på Ålgård:

Regjeringa har signalisert at ein del dyre utbyggingsprosjekt må leggjast på is eller reduserast. Statsbudsjettet i oktober kan kanskje konkretisera dette. Samstundes har miljørørsla og SV stilt spørsmål ved om me treng fire felt på E 39 heilt frå Ålgård til Søgne. Avtalen om å redusera naturtap kan dra i same retning.

Men lokalt pressar dei leiande politikarane på. Ordførarane langs E 39-strekninga har gått saman om eit utspel for fire felt og forsert utbygging. Vinn dei fram, eller må trafikantane belaga seg på lang ventetid?

 

Deltakarar:

Tom Kalsås (Ap), statssekretær i Samferdselsdepartementet

Frode Fjeldsbø (Ap), ordførar i Gjesdal

Heidi Bjerga (SV), kommunestyrerepresentant i Sandnes

Pernille Bonnevie Hansen, nestleiar i Naturvernforbundet

Kjetil Øygard Eidevik, styremedlem i Norges Automobil-Forbund Stavanger

 

Møteleiar: Tom Hetland