TURNE MED BILL MAXWELL ALL STAR BAND

Dette har vi jobba lenge for og endeleg får vi besøk av verdsstjernene til Flø. Det skal skje på Andreasgarden – garden til Oddbjørg Vartdal og Lasse Holstad - og på sjølvaste SommarFLØrten i august søndag 14. august!  

 

Heilt sidan 2020 har vi jobba med å få til konsert med «All star band» for å kunne gjere ein konsert med fantastiske låtar som vi alle har eit forhald til. Denne konserten vil innehalde mange av dei kjende melodiane frå Koinonia, samt songar av Per Erik Hallin, Chicago og Andrae Chrouch. No kan vi blant anna gle oss til: More than a feeling, Frontline, Cuando, Grace, Gospeltrain og Crouch sin fantastiske Livin this kind of life og mange, mange fleire. 

 

I tillegg til topp musikarar som Bill Maxwell og Hadley Hockensmith frå Koinonia kjem også vokalisten i Chicago Lou Pardini. Det vert også nokre songar frå katalogen til det verdskjende bandet Chicago.  Dette er turneen Abraham Laboriel skulle ha vore med på, men han er blitt sjuk. Han kjem ikkje denne gongen, men vi håpar å få sjå han att ved ei seinare anledning.

 

Bandet består av:

Bill Maxwell (trommer) Koinonia, Andrea Crouch, Keith Green, Winans

Hadley Hockensmith (gitar) Koinonia, Neal Diamond, Andrea Crouch

Lou Pardini (vokal, keyboard) Koinonia, Chicago, Andrea Crouch

Lars Larry Danielsson (bass) Michael Ruff, Lisa Nilsson

Sven Fridolfsson (sax) Himlaväsen

Trond Helgerud (Fender Rhodes) Kapellmester, Sgsang husband

Arvid Pettersen (piano,vocal) 10 innspillinger og 2500 konserter

Per Erik Hallin (vocal) Artist, låtskriver, pianist for Carola. 

 

I tillegg til vakre Flø legg dei turen til Oslo, Langesund, Bergen, Halmstad og Jönköping. Det er ikkje første gongen Flø får verdskjende artistar – men so mange verdskjende musikarar samla på ein gong er sjeldant og noko vi gler oss stort til. I tilfelle dårleg vêr vil konserten vere i det store teltet som er satt opp under årets SommarFLØrt. Velkomen til idylliske Andreasgarden med solnedgong i verdsklasse.