Lanseringsfest: Sogndal filmfestival | Filmpremierer og Dj-set

Noko nytt kjem til Sogndal i 2027! Me har store planar, og me vil dela dei med deg først…

På lanseringsfesten blir det førpremiere på The Bunch sin nye film «Patch» frå Sognefjellet, og elvepadlar Ruben Davidsen viser fram Jostedalen frå nye perspektiv.

Kjem du denne laurdagskvelden, får du i tillegg eit innblikk i kva me har jobba med bak kulissane dei siste månadane. Med på kjøpet får du ein skikkeleg god fest.

Det er avgrensa plass, så hiv deg rundt!

Program – laurdag 14. november, dørene opnar kl. 19:00

Kl. 19.30 – Lansering: Presentasjon frå styret i den nystarta foreininga Sogn Tilstelningskomite om dei superspennande planane for «Sogndal filmfestival», som kjem i 2027.

Kl. 20.00 – Filmar: Førpremiere på The Bunch sin nye skifilm frå Sognefjellet. Ruben Davidsen viser sin nye padlefilm frå Jostedøla.

Kl. 23.00 – Etterfest: Gustav, Lars og Thomas speler utover kvelden.