Heilaften med Cato Fenderbenders Bluesband 🎸

Buffet + konsert – me køyrer på igjen!

Me inviterer til ein ny heilaften på Klingenberg, med god mat og ekte bluesstemning!

Kvelden startar med buffet frå kl. 20.00, før Cato Fenderbenders Bluesband frå Bergen entrar scena!

Bandet er eit veletablert bluesband som leverer blues i fleire former og uttrykk – frå det rolege og stemningsfulle til fullt trøkk! Her kan du forvente musikk som får det til å krible både i rockefoten og hjartrerota.

Med inspirasjon frå mellom anna Gary Moore, Fabulous Thunderbirds, Robin Trower og Henrik Freischlader, i tillegg til eigne låtar, byr bandet på ein variert konsert med solid speleglede.

På scena møter du:

• Bjarte Haugland – ein karismatisk vokalist som verkeleg leverer låtane med innleving.
• Cato «Fenderbender» Eide – rutinert gitarist og grunnleggjar, med heftige gitarriff og ekte blueskjensle.
• Jan Frode Larsen – virtuos på munnspel og vokalist med sjel.
• Harald Midthun – bass.
• Helge Jensen – trommer og kor.

Saman sørgjer dei for eit solid musikalsk fundament og ein konsert med både nerve, energi og speleglede.

Me håpar å sjå deg til ein ny heilaften på Klingenberg! 🎶