Bli utstillar på Julemarknad Førde (for bedrifter)

Siste helga i november inviterer Sunnfjord Utvikling og Førde Sør AS til julemarknad utanfor rådhuset i Førde. Her blir det ei heil helg med førjulsstemning, lokal handel og aktivitetar for store og små!

Målet er å skape ein ny juletradisjon i Førde, samtidig som vi løftar fram lokale produsentar, verksemder og alt det gode Sunnfjord har å by på.

På marknaden kan du selje eigenproduserte varer, handverk, kunst, lokalmat, bakst eller andre spennande produkt.

Du kan leige bod for heile helga eller dei dagane som passar best for deg.

Opningstider

• Fredag 27. november kl. 16.00–19.00

• Laurdag 28. november kl. 12.00–19.00

• Søndag 29. november kl. 12.00–16.00

Vi gler oss til ei triveleg julehelg saman med deg!