Workshop i hardingfelerosing

Har du lyst til å lære meir om den særmerkte dekorteknikken som prydar hardingfelene -roseteikning? Bli med på workshop med felemakar Ottar Kåsa, som gir ei enkel innføring i kunsten å teikne hardingfeleroser.

Gjennom kurset får du utforske ulike teknikkar og stiluttrykk, samtidig som du utviklar ditt eige kreative uttrykk. Det blir teikna på papir, men du får òg høve til å dekorere på bitar av flammelønn, som du kan ta med deg heim etter kurset.

Kurset passar for deg som er interessert i overflatedekor og ønsker å hente inspirasjon frå tradisjonskunsten inn i eige design, eller er spesielt interessert i tradisjonskunst. Ingen forkunnskap nødvendig.

Ottar Kåsa er spelemann og felemakar, busett i Bø i Telemark. Arbeider som hardingfelemakar på heiltid sidan 2005 og har eigen verkstad i Bø.

Les meir om kurslærarane her