Velkomen med på auksjon på Lystgården, med sjølvaste Linda Eide som auksjonarius! Her blir det auksjonert bort alt frå designlamper, surdeigsstartar og brudekjole, til fisketur i Øygarden! Dette blir Landåsbygda si store happening i mars månad!

Du bestemmer sjølv om billetten er gratis, eller om du vil vippse ein slant for eit så framifrå arrangement! Alle deltakarar er med i trekkinga av årskort på Ulriksbanen!

PROGRAM

12.00: Synfaring
Ein halvtime før arrangementet startar kan du ta ein titt på alle tinga.

12.45: Auksjonen startar!

Auksjonen varer så lenge auksjonen varer, men absolutt ikkje seinare enn til 15.30 – og kanskje mykje før. Om du må gå undervegs, så må du gå, men Linda håpar dei fleste blir, så ho ikkje blir ståande og rope til veggen. Det ville bli for gale.

Fram mot auksjonen kan du følgje med i Facebook-arrangementet for bilete av tinga og informasjon om rekkjefølgja på kva kategoriar som blir auksjonerte bort når, osb.

Bak initiativet står nabo Lilly Vinje, som har gode auksjonsminne frå oppveksten.