Demens rammar årleg rundt 30.000 nordmenn, og rundt desse står hundretusenvis av pårørande.

Når foreldre vert råka av sjukdommen vert rollene snudd på hovudet, og det er du som må hugse, ordne, passe på og ta ansvar.

Det er dette som er tema i Birger Emanuelsen sin vakre og prisløna roman “Odysseen”. Når faren blir dement, tek sonen han med seg til hytta til familien ytst i havgapet der han skal få lov til å “forsvinne med verdigheit”. Emanuelsen skriv om kjærleik, omsorg og avmakt - og om ei erfaring som er djupt personleg, men samstundes delt av svært mange.

Torsdag 10. september kjem Emanuelsen til Sentralbadet litteraturhus for å snakke om verdigheit, styrke, velferdsstaten og gløymsla til dei gamle - i samtale med Ruth Lillegraven.