Ei samtale om framtidas kraftsystem

«På innsida av krafta» er ei rundebordbasert energisamling om korleis kraftsystemet skal utviklast i ei tid med aukande kompleksitet og tettare europeisk integrasjon. Samlinga legg vekt på systemforståing, dialog og drøfting av dei reelle dilemma knytte til produksjon, regulering og modernisering av vasskrafta.

Konferansen er arrangert av Suldal kommune i samarbeid med sentrale aktørar innan energi, samfunn og kommunikasjon. Målet er å skape ein fagleg sterk og systemnær arena for kraftkommunar, kraftselskap, forskingsmiljø og avgjerdstakarar.

Deltaking er berre for inviterte og er gratis. Dette inkluderer transport frå Stavanger til Suldal, transport frå Sand til Energihotellet på Nesflaten og alt fagleg program. Middag og overnatting tysdag 5. mai blir betalt av kvar deltakar direkte til hotellet.