Sy skjorte og forkle til bunaden

Hardanger folkemuseum og Folgefonn husflidslag arrangerer fleire helgekurs der me tek for oss dei ulike teknikkane som er nytta til hardangerbunaden. På dette kurset lærer du å montera skjorte og forkle. For å få utbytte av kurset må du ha med deg ferdig skjortesaum og/eller forklebord. Dette er ikkje eit kurs der me syr broderiet til skjorte og forkle, men der me syr sjølve skjorta og/eller forkle. Du kan sy herreskjorte, dameskjorte og/eller forkle, alt etter kva du har lyst til og rekk. Kurset går over to helger. For å få best nytte av kurset bør du setja av tid til å sy ein del heime i veka mellom dei to kurshelgene. Viss du berre har høve å vera med den eine helga, passar det bra å berre montera forkle. Ta med eigen symaskin.

Tidspunkt og påmelding

Museet og husflidslaget sett opp eitt monteringskurs i 2026, med Marit Bleie Mannsåker og Agnete Sivertsen som kurslærarar.

Kurset går over to helgar, laurdag 18. og sundag 19. april, og laurdag 25. og sundag 26. april på Hardanger folkemuseum, kl 09.30 – 17.00 kvar dag.

Påmelding innan 5. april 2026

Andre tidspunkt kan og avtalast, me arrangerer kurs for grupper heile året.

Ved færre enn 4 påmeldte deltakarar kan kurset verta avlyst.

Prisar

5700,- pr kurs for medlemmar i Folgefonn/Norges husflidslag.

6200,- pr kurs for ikkje-medlemmar

Kurset inkluderer kaffi, kaker og varm lunsj alle dagar. Kursmateriell kjem i tillegg, alt etter kva ein vel å sy.

NB! Kurset går over to helger. Om ein berre kan vera med ei helg er det også mogleg. Ta kontakt, så finn me ut av det.

Overnatting

Museet har rabattavtale med Utne hotell, som ligg rett ved museet. Deltakarar på kursa får rabatt på overnatting i hotellet sitt kunst-anneks. For å tinga overnatting, ta direkte kontakt med hotellet på reception@utnehotel.no og skriv at du skal på kurs.  Sjå også utnehotel.no

Det er og råd å finna overnatting gjennom t.d. Airbnb.

For spørsmål og meir informasjon, kontakt Agnete Sivertsen, tlf 95 93 46 98, agnete.sivertsen@hvm.museum.no