Fredag 20. mars kan du bli med Tråkk Bergen på båltur til gapahuken Ådlandsbua ved Lone i Arna. 

Denne kvelden kan du varme kveldsmaten din på bålet om du ønsker det. Vi legg opp til ein lågterskeltur med fokus på fellesskap, god stemning og sosialt friluftsliv rundt bålet. 

Tråkk er en tverrkirkelig friluftsgruppe for voksne frå 25 til 48 år. Er du nysgjerrig på kva vi held på med er dette ein super sjanse til å finne det ut. Kom aleine, eller ta med ein ven eller tre, og bli med!

Oppmøte på parkeringsplassen ved Lone skule kl. 18:30. Hit kan du komme deg med kollektivtransport fra Bergen, og vidare med buss (29) frå Nesttun eller Arna. Det er busstopp kort veg frå oppmøtestaden, og start og sluttidspunktet på denne kvelden er tilpassa bussavgangar. 

Frå Lone skule går turen på asfalt og vidare på sti inn til Ådlandsbua i Lonemarka. Ådlandsbua er eit bygg med tre vegger og tak, der bålplassen/grua er plassert midt i rommet under taket. Gåturen dit tek omlag 15 - 20 minutt.

Ta med:

• lommelykt/hodelykt
• mat og eige drikke
• ein kopp
• sitteunderlag
• varme klede/ klede etter veret
• ein vedkubbe til bålet dersom du har dette.

Det er gratis å delta. For å lettare kunne organisere og planlegge litt på førehand ynskjer vi å vite kor mange, og kven, som blir med oss.

Tal på plassar: 20 deltakarar

Påmeldinga opnar torsdag 5. mars kl. 20:00, og stenger når det er fullt, eller seinast torsdag 19. mars kl. 20:00. 

Har du spørsmål? Kontakt turleiar Jan Halvard Edvardsen på tlf. 958 13 721.

Velkommen på tur med oss i Tråkk Bergen!