Kva skal skje?  

Verkstad med påmelding der du lærer å lage eit armband i makramé. Den same teknikken kan nyttast til å lage til dømes belte, oppheng til potteplantar og nett til fotballen. Sjøfolk har til alle tider sysla med tau og reip, også når dei har hatt fritid om bord. Tinga dei har laga, blei vakre gåver og nyttegjenstandar til dei som venta heime.      

Kven møter du?   

Redningsskøyteskipper, sjømann og barnevernspedagog Kai Jensen drog til sjøs som tenåring og kan over tusen knutar. På verkstaden går han gjennom det mest grunnleggjande for makraméteknikken og fortel korleis dette handverket har gått frå hand til hand over alle verdshava. 

Når og kor?   

Laurdag 13. September kl. 10 og kl. 14  

Nasjonalbiblioteket, 1. etasje, inngang frå Solli plass.   

Slik kjem du deg hit: https://www.nb.no/besok/

Treng du billett?   

Verkstaden er gratis, men du må melde deg på for å sikre deg plass.

Møt opp seinast ti minutt før start. Påmelding er bindande. Uavhenta billettar blir frigjorde ti minutt før start.

Kva er Handverksfestivalen?  

Handverksfestivalen på Nasjonalbiblioteket er ein årleg festival som feirar den materielle kulturarven vår. Gjennom verkstader, panelsamtaler, foredrag og kunstopplevingar formidlar vi kunnskap om alt folk har laga med hendene i tidlegare tider. I år er temaet for festivalen havet. Ein viktig arbeidsplass, eit rikt matfat og ei kjelde til forteljingar, kunst og musikk. Vi byr på over tjue arrangement over to dagar.

Mat og drikke? 

Du kan ta med deg mat og drikke inn på arrangementa  
Credo driver kafé, bakeri og kantine på Nasjonalbiblioteket. Under handverksfestivalen serverer dei tradisjonsmat frå havet.  

Velkomen!