Kva skal skje? 

Vi ror ein gamal klinkbåt frå Bjørvika til Hovedøya tidleg laurdag morgon.   

Foreininga Åretak inviterer deg og eit tjuetals andre med ut i fjorden fordelt på sju båtar, slik at du kan få kjenne på korleis det er å ta seg fram på vatnet utan motor og vind. Det blir òg allsong, kaffi og fløytespel denne morgonen. Etter roturen byr vi på noko varmt i Bakgården kantine på Nasjonalbiblioteket.  

Kven møter du?   

Marius Løkse er ein multikunstnar og engasjert båteigar. Han driv til dagleg foreininga Åretak – ei foreining som arbeider med stell, bruk og formidling av gamle båttradisjonar. Løksle arbeider òg som musikar og spelar trekkspel og fløyte.   

Når og kor? 

Laurdag 13. september 08.30-12.30  

Oppmøte ved Sukkerbiten brygge i Bjørvika «Bjørvikabrygga», felles spasertur til Nasjonalbiblioteket etter roturen.   

Slik kjem du deg til brygga: https://maps.app.goo.gl/BJcTBZLinqb21E8MA

Det er gratis, men det er avgrensa med plassar.

Oppmøte 10 minutt før start. Påmeldinga er bindande og uavhenta billettar blir frigjorde ti minutt før verkstaden startar.

Kva er Handverksfestivalen?  

Handverksfestivalen på Nasjonalbiblioteket er ein årleg festival som feirar den materielle kulturarven vår. Gjennom verkstader, panelsamtaler, foredrag og kunstopplevingar formidlar vi kunnskap om alt folk har laga med hendene i tidlegare tider. I år er temaet for festivalen havet. Ein viktig arbeidsplass, eit rikt matfat og ei kjelde til forteljingar, kunst og musikk. Vi byr på over tjue arrangement over to dagar.

Mat og drikke? 

Du kan ta med deg mat og drikke inn på arrangementa  
Credo driver kafé, bakeri og kantine på Nasjonalbiblioteket. Under handverksfestivalen serverer dei tradisjonsmat frå havet.  

Velkomen!