Bli med på kollokviegruppe når forfattar Hanne Ørstavik, teolog Ragnar Misje Bergem og litteraturvitar Louisa Olufsen Layne saman bryner seg på det ferske foredraget til den franske filosofen Jean-Luc Marion.

Kva fortel han om litteratur, skaparkraft og kvalitet? Og kva meiner panelet om det han skriv? Samtalen blir leidd av litteraturkritikar Margunn Vikingstad, som også har omsett Fosseforedraget til nynorsk. Om du vil førebu deg, er foredraget til sals i butikken til Nasjonalbiblioteket og på nettet.   

Arrangementet er gratis.

Hanne Ørstavik (f. 1969) debuterte med romanen Hakk i 1994, og har teke imot ei rekke priser for sine bøker. Ho har studert fransk, psykologi og sosiologi og vert omtala som «kjærleiksteoretikar». Hennar nyaste roman Bli hos meg kom i 2023.   

Louisa Olufsen Layne (f. 1989) er ph.d. i engelsk litteratur ved University of Oxford og er i dag forsker ved Universitetet i Oslo. Ho leier for tida forskingsprosjektet «Ord, lyd og makt i den afrikanske diaspora». 

Ragnar Misje Bergem (f. 1990) er førsteamanuensis ved Menighetsfakultetet. Han interesserer seg for politisk teologi og religionsteologi og har lese fleire av verka til Marion frå før.  

Margunn Vikingstad (f. 1971) er litteraturkritikar og omsetjar. Ho har mellom anna omsett Madame Bovary av Gustave Flaubert og Swanns kjærleik av Marcel Proust.

Fosseforedraget er oppretta av regjeringa for å heidre nobelprisvinnar i litteratur Jon Fosse, og Jean-Luc Marion er vald til å halde det første foredraget. Marion sit som ein av dei udøyelege i Académie française og har gitt ut ei rekkje verk som er å finne på universitetspensum over heile verda.  

Klokka 17 same kveld blir Jean-Luc Marion intervjua av filmskapar og forfattar Margreth Olin. Les mer her!

Nasjonalbibliotekaren ved CREDO held ope. Der får du servert mat og drikke forankra i norsk matkultur. Det er tillate med mat og drikke i arrangementssalane på biblioteket.   
       
Velkomen!